أحيانا تجيلك هدية ولا كان في دماغك أبدا إنها كانت هتجيلك من شخص معين، وبذلك يضعك الشخص ده في موقف محرج جدا، يا ترى هتقوله إيه وهتتصرف إزاي في الموقف ده.
تخيل كدة إنك قاعد يوم رأس السنة مع أصحابك وفجأة جتلك زميلة وقالتلك "اتفضل .. كل سنة وانت طيب" وادتك هدية وافتكرتك في المناسبة دي وانت معبرتهاش بربع جنيه مخروم.
ومثلا ممكن البنت تتفاجئ بزميل لها جايبلها هدية في العيد أو في بداية السنة الجديدة، وهنا تتسمر قدامه ومتعرفش تقوله إيه على ذوقه ورقته واهتمامه بيها.
عليك يا صديقي أن تتعامل بجرأة وبدون خجل مع هذه المواقف، وكن طبيعي وقل " مرسي جدا على الهدية الجميلة دي .. بصراحة حاجة زي كدة متطلعش غير من شخصية زوق زيك" وبإمكانك يا صديقي أن تحتفظ بمجموعة صور أو عملات ورقية أجنبية في محفظتك على سبيل التذكار والإنقاذ في مثل هذه المواقف ويمكنك أن تخرجها وتكتب عليها كلمة شكر وإهداء طريف وتعطيها لمن أحضر لك الهدية.
كما يمكنك أن تكذب كذبة بيضاء وتقول "طبعا مش هتصدقني لو قلتلك إني جايبلك معايا حاجة تذكارية بسيطة النهاردة وإنها عجبتني فقلت أجيبهالك" وتطلع ساعتها كارت شيك صغير أو صورة جميلة أو شكل معدني صغير يوضع في الميدالية، وكل هذه الأشياء يا صديقي يمكنك أن تشتريها وتحتفظ بها دوما معك لمثل هذه الحالات الطارئة المحرجة.
الأحد سبتمبر 27, 2009 1:27 am
