حبيت اعمل لكم اكل سرييييييييييع
علشان الناس الكسلانهاللى بتكسل تقوم تعمل اكل
خطوات العمل
وانا عارفه انها صعبه شويه بس نستحمل
تروحى لحد التلاجه
معلش تعالى على نفسك وافتحيها
بس اهم حاجه قبلها تكونى جيتى على نفسك وبعتى حد من اخواتك يجيب لك عيش وياحبذا لو عيش فينو على اساس انه سهل الاكل اكتر
بعد ماتجيبى العيش بدون طوابير
وتروحى لحد التلاجه وتفتحيها
شوفى بقى
واجهدى عقلك فى التفكير
جبن قريش ولا جبنه بيضه ولا بيض بس لا البيض صعب دا لسا حيتقلى او يتسلق دا فيلم لوحده
خلينا ف بقيه الموجود فى التلاجه
فيه كمان مربى
هاتى سكينه
اثناء مابتجيبى سكينه
تكونى بتسخنى اللبن لدرجه الغليان
وتكونى مجهزه كوبايه فيها معلقه بن ومعلقه سكر
ون قطه ميا وتخلطيهم ببعض
جبتى السكينه
افتحى العيش بتانى بقى
وبعدين لو حاسه انك محتاره تحلى ولا تحدقى
متحتاريس اعملى ساندوتش كده وساندوتش كده
ضعى قليل من الجبن سوا كان قريش او عادى
وافرديهم بتانىىىى ف ى الساندوتش
وهاتى التانى وهاتى معلقه للمربى
وضعى قليل من المربى فى الساندوتش
يكون اللبن سخن لدرجه الغليان
تصبيه فى الكوبايه ياحبذا لو كان مج
وتحطيه مع الساندوتشين على صنيه
وتيجى تقعدى تاكلى واحد او اتنين
من الساندوتشات مع مج القهوه باللبن
وانتى بتردى فى منتدى مس لندن
لو فيه اى حاجه صعب شرحها قولو
اونا معنديش مانع افسر الطبيخ اكتر
الأحد سبتمبر 27, 2009 1:01 am
